प्रदेशस्तरीय तेक्वान्दोमा कास्की प्रथम, २५ खेलाडी छनोट
हाम्रा कुरा
प्रकाशित २०७८ फागुन २७ शुक्रबार
516
Shares
पोखरा । गण्डकी प्रदेशस्तरीय तेक्वान्दो प्रतियोगिता ११ गोल्ड मेडलसहित कास्की प्रथम भएको छ । चार गोल्डमेडलसहित म्याग्दी दोश्रो र चार गोल्डमेडलसहित पर्वत तेश्रो भएको छ । प्रतियोगितामा कास्कीले थप ११, म्याग्दीले पाँच र पर्वतले तीन सिल्भर मेडल पाए ।
पुरुष र महिलातर्फको गरी कुल २६ खेलमा ११३ जना खेलाडी सहभागी रहेका थिए । जसमा गोल्ड मेडल ल्याउने २५ जना खेलाडी राष्ट्रिय खेलका लागि छनोटमा परेका छन् ।
छनोटमा सिनियर पुरुष ५४ केजी समूहतर्फ कास्कीका मन्दिप सुनार, ५८ केजीमा पर्वतका सुरज कंडेल र ६३ केजीमा पर्वतकै प्रकाश माझी छन् भने ६८ केजीमा कास्कीका हेमन गुरुङ छन् ।
यसैगरी ७४ केजी समूहतर्फ म्याग्दीका कृपेश शर्मा र ८० केजी समूहमा कास्की सकिल लामगादे र ८७ केजीमा नीरज नेपाली र ८७ केजी मै पर्वतका सुजन रोक्का पनि छनोट भए ।
पुरुष जुनियरतर्फ ४८ केजी समूहमा म्याग्दीका दिपेश पुर्जा, ५५ केजी समूहमा कास्कीका सुजन गुरुङ, ६३ केजी समूहमा तनहुँका राजन परियार छन् भन्ने नवलपुरका मनिष महतो र नवलपुरकै सुरेश जेडीमगर ७८ केजी समूहमा विजयी भए ।
महिला जुनियरतर्फको ४४ केजी मुुनी गोरर्खाकी आकृती श्रेष्ठ, ४९ केजीमा कास्कीकै अनिशा परियार ५५ केजी र सदीक्षा सुनार ६३ केजीमा छनोट भएका छन् भन्ने बाग्लुङका बुद्ध गुरुङ, ५५ केजी र ६८ केजीमा ग्रीन गुरुङ छनोट भएका छन् ।
