पोखरा । पोखरामा जारी मनुश्री-भिग्नाजित जेटीआई राष्ट्रिय जुनियर टेनिस प्रतियोगितामा सारा पन्त र शभर्णा गुरुङ्गले स्वर्ण पदक जितेका छन् । साराले गल्र्स यु-८ प्रतियोगितामा जिवाश्री भट्टराईलाई पराजित गर्दै स्वर्ण जितेकी हुन् ।
यस्तै, जिवाश्रीले रजत पदकमा चित्त बुझाइन् । सोही उमेर समूहमा केजिया शाक्यले तृतीय तथा जेनोभा शर्माले चौथो स्थान प्राप्त गरिन् । यस्तै, यु-९ गल्र्सतर्फ शभर्णा गुरुङ्ग प्रथम, केजिया शाक्य द्वितीय तथा जिवाश्री भट्टराई तृतीय भए ।
यता, ब्वाइज यु-८ तर्फ निर्जल टण्डनलाई पराजित गर्दै आर्यषराज पौडेल फाइनलमा प्रवेश गरे शुभान केसीलाई पराजित गर्दै नितेश थापा फाइनल प्रवेश गरे ।
१४ वर्ष मुनिको ब्वाइज सिंगल्समा राजवीर प्रधान र दर्शील श्रेष्ठले पनि फाइनलमा स्थान बनाएका छन् । राजवीरले निशा जोशीलाई तथा दर्शीलले सृजन भट्टराईलाई पराजित गरेका हुन् ।
९ वर्ष मुनिको ब्वाइज सिंगल्सको राउण्ड रोविन लिगमा जित हाँसिल गर्दै निश्चल ज्ञवाली, आर्यषराज पौडेल र संघर्ष फोकदार अघि बढेका छन् ।
यस्तै, १४ वर्ष मुनिको गल्र्स सिंगल्समा प्रशंसा मोक्तान, शिवाली गुरुङ्ग र कर्मिस्था श्रेष्ठ पनि जित हाता पार्दै अघि बढेका छन् । १२ वर्ष मुनिको गल्र्स सिंगल्समा कर्मीस्था श्रेष्ठ, शिवाली गुरुङ्ग, प्राज्ना मानन्धर र स्वस्तिका विष्टले पनि लिग खेलमा जित हाँसिल गरेका छन् ।
