काठमाडौं । त्रिकोणात्मक टी–२० क्रिकेटमा मलेसियालाई जित्नका लागि नेपालले ११५ रनको सामान्य लक्ष्य पछ्याइरहेको छ । टीयूस्थिति कीर्तिपुर मैदानमा मलेसियाले शुरुआत आक्रामक गरे पनि त्यसलाई निरन्तरता दिन नसक्दा ८ विकेटको क्षतिमा ११४ रनमा समेटियो ।
सबैभन्दा आक्रामक देखिएका जुबाइदि जुल्किफ्लेले १५ बलमा ३२ रन बनाएर आउट भए । कप्तान अहमद फैजले ३८ बलमा २४ रन बनाए । नेपालका लागि कप्तान सन्दीप लामिछाने र करण केसीले समान २–२ विकेट लिए ।
अविनाश बोहरा, कुशल मल्ल र दिपेन्द्र सिंह ऐरीले १–१ विकेट लिए । जवाफमा नेपालले पनि राम्रो शुरुआत गर्न सकेन । १ रन जोड्दा नेपालले कुशल भुर्तेललाई व्यक्तिगत १ रनमा गुमायो ।
नेपालभन्दा कमजोर आँकिएको मलेसियालाई कमभन्दा कम रनमा रोक्न सके नेपालले लगातार दोस्रो खेल जित्नेछ ।
यो खेल जित्दा नेपालको फाइनल प्रवेशको सम्भावना बलियो हुनेछ । शृंखलामा नेपाल लगातार दोस्रो जितको खोजीमा छ । घरेलु दर्शकको राम्रो साथ पाएको नेपालले पहिलो खेलमा पपुवा न्युगिनी ९पीएनजी० लाई हराएको थियो ।
पहिलो खेलमा देखिएको सुधारिएको ब्याटिङलाई निरन्तरता दिदै नेपाल बलिङमा भने सुधार गर्न चाहन्छ । नेपाल सन्दीप लामिछानेको कप्तानीमा रहनेछ ।
पहिलो खेलमा मलेसियाले समेत पीएनजीलाई पराजित गर्दै राम्रो शुरुआत गरेको थियो । तालिकामा दुबै टोलीको दुई अंक छ ।
नेपाल र मलेसियाबीच हेड टु हेड हेर्ने हो भने नेपालले आफूलाई हाबी भएको सिद्ध गरेको छ । ६ पटकको भेटमा नेपालले पाँच पटक जित निकालेको छ भने मलेसिया एक पटक विजयी भएको छ ।
