-
-
-
-
धनुषा । धनुषामा स्कुल बसको ठक्करबाट एक जनाको मृत्यु भएका छन् । बिहीबार पुष्पवाटिका स्कुलको बसले ठक्कर दिँदा ३५ वर्षीय मनोज लामिछानेको घटनास्थलमै मृत्यु भएको हो । लामिछाने मोटरसाइकल चढेर जनकपुरधामतर्फ आउँदै गर्दा बसले ठक्कर दिएको थियो ।
क्षीरेश्वरनाथ नगरपालिका वडा नम्बर १ निवासी लामिछाने चढेको मोटरसाइकललाई स्कुलको बसले लक्ष्मीनिया गाउँपालिका वडा नम्बर १ स्थित रहेको खाद्य व्यवस्था तथा व्यापार कम्पनी लिमिटेडको अगाडि दिँदा दिएको थियो ।
जनकपुरधामबाट लक्ष्मीनियाँ तर्फ जाँदै गरेको प्रदेश-२-०३ ००१ख ०५३२ नम्बरको बसले बा ८० च ९०९४ नम्बरको मोटरसाइकललाई ठक्कर दिँदा लामिछानेको मृत्यु भएको हो । शवलाई पोस्टमार्टमका लागी प्रादेशिक अस्पताल जनकपुरधाममा राखिएको छ ।
ठक्कर दिने बसका चालक फरार भएकाले खोजी भइरहेको तथा यस घटना सम्बन्धमा थप अनुसन्धान भइरहेको जिल्ला प्रहरी कार्यालय धनुषाले जानकारी दियो ।
