अष्ट्रेलियाको महिला टिमले जित्यो सातौं पटक विश्वकप क्रिकेटको उपाधि

अष्ट्रेलियाको महिला टिमले जित्यो सातौं पटक विश्वकप क्रिकेटको उपाधि

हाम्रा कुरा

प्रकाशित २०७८ चैत २० आइतबार

काठमाडौं । आईसीसी महिला विश्वकप क्रिकेटको उपाधि अष्ट्रेलियाले जितेको छ । आइतबार न्यूजिल्याण्डको क्राइष्टचर्चमा भएको फाइनलमा इङ्गल्याण्डलाई पराजित गर्दै सर्वाधिक सफल टिम अष्ट्रेलिया च्याम्पियन बनेको हो । अष्ट्रेलियाले फाइनल खेल ७१ रनले जित्दै सातौं पटक विश्वकप जितेको हो ।

३ सय ५७ रनको लक्ष्य पछ्याएको इंग्ल्यान्डले ४३.४ ओभरम अलआउट हुँदै २ सय ८५ रन बनाउँदा अलआउट भयो । नाट सिभरले १ सय २१ बलमा १५ चौका र १ छक्का प्रहार गर्दै १ सय ४८ रनमा अविजित रहे पनि टिमलाई जिताउन सकिनन् ।

अष्ट्रेलियाको जितमा एलना किङ र जेस् जोनासेनले समान ३–३ तथा मेगन चुटले २ विकेट लिइन् ।