काठमाडौं । दक्षिण तथा मध्य एसियाली मामिला हेर्ने अमेरिकी उप सहायक विदेश मन्त्री केल्ली किडरलिङले सोमबार परराष्ट्रमन्त्री डा नारायण खड्कासँग भेटवार्ता गरेकी छिन्।
भेटकाक्रममा नेपाल र अमेरिकाबीचको मित्रता र सहयोगका बारेमा विचार आदानप्रदान भएको परराष्ट्रमन्त्रालयले जनाएको छ ।
यो वर्ष नेपाल र अमेरिकाबीच कूटनीतिक सम्बन्ध स्थापना भएको ७५ औं वर्षगाँठ हो ।
आइतबार नेपाल आएकी केल्ली किडरलिङ भोलि (मंगलबार) स्वदेश फर्किने बताइएको छ ।
यसअघि एमसीसी प्रमुख चासोको बिषय बनेका बेला गत नोभेम्बरमा पनि उनी काठमाडौं आएकी थिइन्। त्यतिबेला अमेरिकी सहायक विदेशमन्त्री डोनाल्ड लु पनि नेपाल भ्रमणमा थिए ।