-
-
-
-
विराटनगर । नेपाल शिक्षक संघले विराटनगरका मेयरका उम्मेदवार नागेश कोइरालालाई जिताउने प्रतिबद्धता जनाएको छ । आइतबार विराटनगरमा भएको छलफलमा शिक्षक संघका नेताहरुले सो प्रतिबद्धता जनाएका हुन् ।
शिक्षक संघका नेता ऋषिकेश कोइरालाले नागेशलाई जिताउन तन, मन, वचन र कर्मले सहयोग गर्ने बताए । उनले विराटनगरमा शिक्षण शिकाई क्रियाकलाप गर्दै आएका चार सय शिक्षकले सहयोग गर्ने वचन दिएका छन् ।
कार्यक्रममा शिक्षक संघका नेता शिवराज कोइराला, चक्रप्रसाद पोखरेल लगायतको सहभागिता थियो । नेपाली कांग्रेसका उम्मेदवार नागेशले आफूले चुनाव जिते शिक्षकहरुको समस्या सम्बोधन गर्ने बताए ।
उनले भने, ‘मैले चुनाउ जिते शिक्षकहरुका समस्या हरसंभव सम्बोधन गर्ने प्रयास गर्छु, मलाई चुनाउ जिताउनुस् ।’
