-
-
-
-
काठमाडौं । भारतको प्रमुख प्रतिपक्ष दल भारतीय राष्ट्रिय कंग्रेसका नेता राहुल गान्धी काठमाडौं आएका छन् । गान्धी सोमबार साँझ ५ बजे आसपास त्रिभुवन अन्तर्राष्ट्रिय विमानस्थलमा उत्रेका हुन् ।
गान्धी नागपोखरीस्थित होटल मेरियटमा बसेका छन् । उनी पारिवारिक भ्रमणका क्रममा नेपाल आएको जनाइएको छ । गान्धी बिहीबार एक विवाहमा सहभागी हुने कार्यक्रम रहेको जनाइएको छ ।
गान्धीले नेपालमा रहँदा पर्यटकीय स्थलको भ्रमण गर्ने सम्भावना रहेको स्रोतको भनाइ छ । उनी शुक्रबार स्वदेश फर्कने छन् । अन्य राजनीतिक भेटघाटका बारेमा भने बताइएको छैन ।
