बाबुरामले गठबन्धनको नतिजाप्रति देखाए असन्तुष्टि, दोष कांग्रेस र माओवादीलाई

हाम्रा कुरा

प्रकाशित २०७९ जेठ ३ मंगलबार

Baburam-bhattrai-stage.jpg.jpeg — तस्बिर– फाइल

काठमाडौं । संघीय समाजवादी पार्टीका संघीय परिषद् अध्यक्ष डा बाबुराम भट्टराईले गठबन्धनभित्र नेपाली कांग्रेस र माओवादी केन्द्रले सेटिङ गरेर केही लाभ लिएको बताएका छन् ।

प्रतिनिधिसभाको मंगलबार बसेको बैठकमा सहभागी भएर बाहिरिने क्रममा सञ्चारकर्मीसँग कुरा गर्दै उनले भने, ‘कांग्रेस र माओवादीले सेटिङ गर्नुभयो, केही लाभ भयो । तर, उहाँहरुमा पनि वापसमा तल मिलेको देखिएन ।’

निर्वाचन निष्पक्ष नभएकोतर्फ संकेत गरेका उनले गठबन्धनले निरन्तरता पाउने पर्ने पनि बताए । साथै निर्वाचन आचारसंहिता उल्लंघन गर्नेमाथि कारबाही हुनुपर्ने डा भट्टराईले बताए ।

भट्टराईले पनि गोरखामा आचारसंहिता उल्लंघन गरेका थिए । जनता समाजवादी पार्टीले उल्लेख्य सफलता हासिल गर्न नसकेपछि गठबन्धन दलका उनले त्यसको दोष कांग्रेस र माओवादीलाई लगाएका हुन् ।