सोमबारको भर्चुअल वार्तापछि फिजीमा रहेका वाङले प्यासिफिक राष्ट्रहरूलाई यस क्षेत्रमा चीनको उद्देश्यबारे आश्वस्त पार्न खोजेका छन् । यद्यपि सोमबारको वार्ता सहमतिमा पुग्न सकेन । उनले बेइजिङले लामो समयदेखि एसिया, अफ्रिका र क्यारेबियनका विकासशील राष्ट्रहरूलाई च्याम्पियन बनाएको टिप्पणीसमेत गरेका छन् ।
'धेरै चिन्तित नहुनुहोस् र धेरै नर्भस नहुनुहोस्,' उनले भनेका छन्, 'किनभने चीन र अन्य सबै विकासशील देशहरूको साझा विकास र समृद्धिले मात्रै ठूलो सद्भाव, बृहत्तर न्याय र सम्पूर्ण विश्वको ठूलो प्रगति हुनेछ।'
फिजीमा चिनियाँ शीर्ष कूटनीतिज्ञको भ्रमण दक्षिण प्रशान्त क्षेत्रको सुरक्षा, अर्थतन्त्र र राजनीतिमा चीनको संलग्नतालाई मौलिक रूपमा बढाउने कूटनीतिक भ्रमणको एक हिस्सा हो।
बैठकअघि चीनले आमन्त्रित दश राष्ट्रहरूलाई पठाएको मस्यौदा विज्ञप्ति र पञ्चवर्षीय कार्ययोजनाले स्थानीय प्रहरीलाई तालिम दिने, साइबर सुरक्षामा संलग्न हुने, राजनीतिक सम्बन्ध विस्तार गर्ने, संवेदनशील समुद्री नक्साङ्कन सञ्चालन गर्ने र जमिन र पानीमा दुवैका प्राकृतिक स्रोतहरूमा थप पहुँच प्राप्त गर्ने कुरा देखाएको छ। ।
चीनले अघि सारेको प्रस्तावित चीन प्यासिफिक टापु देश साझा विकास भिजनले स्वतन्त्र व्यापार क्षेत्र र जलवायु परिवर्तन एवं स्वास्थ्य सम्बन्धी कार्यका लागि समर्थन प्रस्ताव गरेको छ।
तर यो प्रस्तावमा यसमा संलग्न दशमध्ये कम्तीमा एक देश फेडेरेटेड स्टेट्स अफ माइक्रोनेसिया (एफएसएम) ले विरोध जताएको हो । माइक्रोनेसियाका राष्ट्रपति डेभिड पानुएलोले यसलाई 'आफ्नो जीवनकालमा प्यासिफिककाे सबैभन्दा गेम चेन्जर सम्झौता' भन्दै यसले 'नयाँ शीतयुद्ध र विश्व युद्ध ल्याउने खतरा' भएको टिप्पणी गरेका हुन् ।
