-
-
-
-
हेटौंडामा बसको ठक्करबाट एक जनाको मृत्यु भएको छ ।
बुधबार हेटौंडा उपमहानगरपालिका –९ कर्रा स्थित सडकमा हिँडिरहेका पैदल यात्रीलाई बसले ठक्कर दिँदा अन्दाजी ३५ वर्षीय पुरुष घाइते भएका थिए ।
उनलाई उपचारको लागि हेटौंडा अस्पताल लगिएको थियो । उपचारको क्रममा उनको अस्पतालमा मृत्यु भएको प्रहरीले जनाएको छ । ठक्कर दिने बसलाई जिल्ला प्रहरी कार्यालयले नियन्त्रणमा लिएको प्रहरीले जनाएको छ ।
ठक्कर दिने बसको नम्बर भने प्रहरीले खुलाएको छैन । मृत्यु हुनेको पहिचान पनि नखुलेको प्रहरीले जनाएको छ ।
