काठमाडौं । भारतीय क्रिकेट कन्ट्रोल बोर्ड बीसीसीआईका अध्यक्ष सौरभ गांगुलीले राजीनामा दिएका छन् । मिडिया रिपोर्टका अनुसार गांगुलीले नयाँ योजना बनाइसकेका छन् ।
सूत्रका अनुसार गांगुलीले भनेका छन् – ‘मैले नयाँ इनिङ्सको तयारी गरिरहेको छु ।’
गत वर्ष मेमा पश्चिम बंगालको विधानसभा चुनावअघि पनि यस्तै किसिमको खबर बाहिरिएको थियो । तब उनलाई त्यतिबेला मुटुको समस्या देखिएको थियो । उक्त समस्यासँगै उनको फड्कोमाथि पूर्णविराम लागेको थियो ।
बीसीसीआईका सचिव जय शाह गृहमन्त्री अमित शाहका छोरा हुन् । साथै जय गांगुलीका नजिकका मित्र पनि हुन् ।
इन्डियन प्रिमियर लिग आईपीएलको फाइनलमा अमित शाह र गांगुली सँगसँगै थिए । मिडिया रिपोर्टसका अनुसार भारतीय जनता पार्टी भाजपाले गांगुलीलाई राज्यसभामा पठाउन सक्नेछ ।
अपडेटः
उनको राजीनामा अन्त्यमा हैन भन्ने पनि आएको छ । तर ३० मिनेट भने क्रिकेट जगत तात्यो । भारतीय समयअनुसार साँझ ५ः२० बजे सौरभको ट्वीटरबाट राजीनामाको खबर शुरु भएको थियो ।
५ः५८ बजे जय शाहले सौरभले राजीनामा नदिएको बताए । गांगुलीले लेखेका थिए ‘सन् २०२२ मेरो लागि क्रिकेट यात्राको तीसौं वर्ष हो । अब म केही नयाँ गर्न चाहन्छु जसमा मानिसहरुको भलो होस् ।’
यो ट्वीटरपछि धेरैले सम्झिए कि गांगुलीले राजीनामा दिए । तर त्यसको ३० मिनेटपछि बीसीसीआईका सचिव शाहले समाचार एजेन्सी एएनआईलाई गांगुलीले राजीनामा नदिएको बताए । गांगुली सन् २०१९ देखि बीसीसीआईको अध्यक्ष छन् ।
यतिसम्म कि गांगुलीले आफ्नो यात्रामा साथ दिनेहरु सबैलाई धन्यवाद पनि दिए । उनको क्रिकेट यात्रा सन् १९९२ बाट शुरु भएको थियो ।
