श्रीनगर। जम्मु र काश्मीरलाई केन्द्र शासित प्रदेशमा रूपान्तरण र यसको तथाकथित विशेष दर्जाको खारेजीले अर्को पुस्ताको लागि नयाँ युगको ढोका खोलेको छ। ‘युथ क्लब’ का माध्यमबाट नयाँ विचार र अवधारणाले युवाहरूलाई ढुङ्गा हान्ने, सडक आन्दोलन र बन्दुकभन्दा माथि पनि जीवन छ भन्ने यथार्थलाई बुझाएको छ।

अगस्ट ५, २०१९ अघि जब केन्द्रले जम्मु काश्मीरलाई पूर्ण रूपमा भारत सङ्घमा विलय गर्ने निर्णयको घोषणा गर्‍यो, त्यसले काश्मीरका युवाहरू आफ्नो जीवनमा के गर्ने भन्ने बारे पूर्णतया अनभिज्ञ रहेको बताइएको छ। 

पाकिस्तान र त्यसबाट प्रायोजित तत्त्वहरूले जम्मु काश्‍मीरको जीर्ण अवस्थाको पूरा फाइदा उठाए र युवाहरूलाई कट्टरपन्थी बनाएर आत्म-विनाशको बाटोमा लैजाने कुनै मौका छोडेनन्।

काश्मीरको जेनेरेसन नेक्स्टलाई पाकिस्तानको प्रोक्सी युद्ध लड्न ढुङ्गा, बन्दुक र बम उपलब्ध गराइएको थियो। हिंसाको चक्र यति डरलाग्दो बन्यो कि काश्मीरमा आधारित राजनीतिज्ञहरूले पाकिस्तानलाई बोर्डमा नलिँदासम्म यो कहिल्यै समाप्त नहुने  घोषणा गरेका थिए।

तर, संविधानको धारा ३७० खारेज भएको साढे दुई वर्ष पछि, जम्मू काश्मीरले निकै प्रगति र परिवर्तन देखेको छ र युवाहरू नेतृत्वका लागि अघि बढ्न थालेका छन्।  'मिसन युवा' ले युवाहरूलाई आफ्नो जीवनलाई आकार दिन मद्दत गरेको छ। तिनीहरू आफ्नो सपनाको पछि लागिरहेका छन् र 'नयाँ जम्मू र काश्मीर' मा सबै कुरा प्राप्त गर्न सकिन्छ भन्ने बुझ्न थालेका छन्। 

आधिकारिक तथ्याङ्क अनुसार हालसम्म केन्द्र शासित प्रदेशका २० जिल्लामा ४ हजार ५२२ युवा क्लबहरू स्थापना भइसकेका छन् र ७४ हजार युवाहरूले आफूलाई भर्ना गरेका छन्। जसमा सबैभन्दा बढी ९ हजार पुन्च जिल्लामा भर्ना भएका छन्।

पूर्व जम्मू-कश्मीर शासकहरू, प्रायः काश्मीरमा आधारित राजनीतिज्ञहरूले यस्ता उपायहरू मार्फत युवाहरूलाई संलग्न गर्ने बारे कहिल्यै सोचेका थिएनन्। तिनीहरूले युवाहरूलाई आफ्नो कुर्सीका लागि दुरुपयोग गरे। अहिले हरेक जिल्लाका युवाहरू यी युथ क्लबहरूको हिस्सा बन्न अगाडि आएर काम गरिरहेका छन्। उनीहरूले सामना गरेका सबैभन्दा कठिन चुनौतीहरूको अभिनव समाधानहरू फेला पारेका छन्।