-
-
-
-
काठमाडौं । सामाजिक एवं मार्मिक चलचित्र बनाउन सिपालु निर्देशक दीपेन्द्र के खनालको चलचित्र चिसो मान्छे आगामी असार ३ गतेदेखि प्रदर्शन हुने भएको छ ।
पशुपतिप्रसाद, आमा, धनपति जस्ता सशक्त चलचित्र बनाएर निर्देशनको उचाइमा पुगेका खनालको यो चलचित्र केन्द्रीय चलचित्र जाँच समितिबाट युनिभर्सल सर्टिफिकेट पाउन सफल भएको छ । यो सर्टिफिकेटअनुसार १६ वर्षभन्दा कम उमेरका दर्शकका लागि अभिभावकको साथ चाहिने छ ।
शर्मिला पाण्डेले निर्माण गरेको यो चलचित्रमा अर्पण थापा, स्वस्तिमा खड्का, देशभक्त खनाल, आशान्त शर्मा, प्रभाकर न्यौपाने, झाकेन बीसी लगायतको भूमिका रहेको छ ।
