सरकारमाथि योगेशको गम्भीर आरोप ; माल नआएसम्म मल आउने वाला छैन
हाम्रा कुरा
प्रकाशित २०७९ जेठ २५ बुधबार
452
Shares
काठमाडौं । एमाले सांसद योगेश भट्टराईले सरकारमाथि गम्भीर आरोप लगाएका छन् । प्रतिनिधि सभाको बैठकमा बोल्दै उनले सरकारले मलमा माल खोजेको आरोप लगाएका हुन् ।
उनले मल खोज्न कृषिमन्त्री भारत गएर फर्कने हुन कि होइन भन्दै शङ्का व्यक्त गरे । उनले भने,' मलको हाहाकार छ, मल छैन, हामीले सुनिराखेका छौँ मल खोज्न कृषिमन्त्री भारत जानुभएको छ, कहाँ पुग्नुभयो ? उहाँको हालखबर के छ ? मल आउँछ कि आउँदैन, लिएर आउनुहुन्छ कि आउनुहुन्न ? मल नपाएर कृषिमन्त्री थकित भएर उतै निर्वासन हुनुभयो कि भन्ने आशङ्का पनि यहाँ छ सभामुख महोदय ’ ।
उनले सरकारले मल ल्याउन नखोजेको टिप्पणी गरे । माल आए मात्र मल आउने उनले सुनाए । उनले भने ‘अर्को कुरा, मल आउँछ र यो सरकारले मल ल्याउन खोजेको छैन, मलमा माल खोजिरहेको छ माल । जबसम्म माल आउँदैन मलमा तबसम्म मल आउने वाला छैन, त्यस कारणले हामीले मल खोजेको हो सभामुख महोदय मालको पछाडि हामीले लाग्ने खोजेको होइन ।’
