-
-
-
-
काठमाडौं । नेपाल सरकारले अमेरिकाको स्टेट पार्टनरशिप प्रोग्राममा (एसपीपी) अघि नबढाउने निर्णयको चीनले प्रशंसा गरेको छ । बिहीबार चीनको परराष्ट्र मन्त्रालयका प्रवक्ता वाङ वेनबीनले नियमित पत्रकार सम्मेलनमा यस्तो बताएका हुन् ।
६ गते सोमकार बसेको मन्त्रिपरिषद्को बैठकले एसपीपीमा नेपाल सहभागी नहुने निर्णय गरेको थियो ।
नेपालको मित्रवत् र नजिकको छिमेकी तथा रणनीतिक सहयोगी साझेदार भएकाले चीनले नेपाल सरकारको निर्णयको प्रशंसा गरेको उनले बताए ।
'चीनले नेपालको सार्वभौमसत्ता, स्वाधीनता र भौगोलिक अखण्डतालाई कायम राख्न र नेपालको स्वतन्त्र र असंलग्न परराष्ट्र नीतिप्रतिको प्रतिबद्धतालाई समर्थन गर्न जारी राख्नेछ। क्षेत्रीय सुरक्षा, स्थायित्व र साझा समृद्धिको रक्षाका लागि नेपालसँग मिलेर काम गर्न चीन तयार छ ।' प्रवक्ता वेनबीनले भने ।
