-
-
-
-
काठमाडौं । इङ्गल्याण्डका क्रिकेट खेलाडी ओइन मोर्गानले अन्तर्राष्ट्रिय क्रिकेटबाट संन्यास लिएका छन् । सन् २०१९ को एक दिवसीय विश्वकप विजेता कप्तान मोर्गनले संन्यासको घोषणा गरेका हुन् ।
३५ वर्षीय मोर्गनलाई पछिल्लो समय फिटनेसले सताइरहेको छ । उनको स्थान जोस बट्लरले लिने सम्भावना रहेको छ । मोर्गन एक दिवसीय र टी–२० मा सर्वाधिक रन बनाउने इङ्गलिश खेलाडी हुन् ।
मोर्गानले एक दिवसीयमा ६ हजार ९५७ तथा टी–२० मा २ हजार ४५८ रन बनाएका छन् ।
इंग्ल्यान्डका लागि उनले २ सय २५ एकदिवसीय र १ सय १५ टी(ट्वान्टी अन्तराष्ट्रिय खेलेका छन् ।
