काठमाडौं । बलिउड अभिनेता शाहरुख खानको चार वर्षदेखि कुनै पनि चलचित्र रिलिज भएको छैन । चलचित्र 'जिरो' पछि उनले स्टारडम पनि गिरेको छ ।
पछिल्लो समय शाहरुख खान आफ्नो फिल्मको सुटिङमा व्यस्त छन् । उनका धेरै फिल्म एकपछि अर्को रिलिज हुने तयारीमा छन् । यी फिल्ममा उनीसँगै बलिउड र टलिउडका अभिनेत्रीहरू देखिनेछन् ।
हाल शाहरुख आफ्नो फिल्म 'जवान'को सुटिङमा व्यस्त छन् । यस फिल्ममा उनीसँग दक्षिण भारतीय अभिनेत्री नयनतारा मुख्य भूमिकामा देखिने भएकी छिन् । विवाहपछि हनिमुनबाट फर्किएपछि नयनताराले जवानको सुटिङ पनि शुरु गरेकी छिन् ।
शाहरुख र दीपिका 'ओम शान्ति ओम' पछि सफल जोड बने । अब दीपिका पादुकोण शाहरुख खानसँग फिल्म 'पठान'मा देखिनेछिन् ।
निर्माता निर्देशक फरहान अख्तरले 'डन ३' मा काम सुरु गरिसकेका छन् । एडल्ट फिल्मकी स्टार केन्ड्रा लस्टले यो फिल्मको हिस्सा बन्ने इच्छा व्यक्त गरेकी छन् ।
'पठान', 'जवान' पछि शाहरुख खानको फिल्म 'डंकी'को छायाङ्कन पनि छिट्टै सुरु हुँदै छ । यो फिल्मका लागि शाहरुख लागि परेका छन् । यस फिल्ममा उनीसँगै तापसी पन्नु मुख्य भूमिकामा देखिनेछिन् ।
