श्रीलङ्कामा सेना पठाउने कुराको भारतले गर्यो खण्डन
हाम्रा कुरा
प्रकाशित २०७९ असार २७ सोमबार
857
Shares
काठमाडौं । श्रीलङ्कामा जारी सङ्कटको बीचमा भारतले श्रीलङ्कामा सेना पठाउने कुराको खण्डन गरेको छ । श्रीलङ्कास्थित भारतीय उच्चायोगले त्यस्ता समाचारको खण्डन गरेको हो ।
भारतीय उच्चायोगले ट्वीटरमा लेखेको छ , ’उच्चायोगले भारतले श्रीलङ्कामा आफ्नो सेना पठाउने बारे मिडिया र सोशल मिडियामा काल्पनिक रिपोर्टहरूलाई खण्डन गर्न चाहन्छ। यी रिपोर्टहरू र त्यस्ता विचारहरू भारत सरकारको हैसियतसँग मेल खाँदैनन्।'
भारतको विदेश मन्त्रालयका प्रवक्ताले भारत श्रीलङ्काका जनताको साथमा उभिएको बताएका छन् । यसअघि पनि भारतले श्रीलङ्कासँग सम्बन्धित केही हल्लाको खण्डन गर्दै आएको छ । उच्चायोगले मे १० मा ट्विट गरेर श्रीलङ्काका राजनीतिज्ञ र उनीहरूका परिवारले भारतमा शरण लिएको कुरा अस्वीकार गरेको थियो।
यसैबीच, मे ७ मा उच्चा योगले प्रदर्शनकारीमाथि पानीको फोहोराका लागि श्रीलङ्काले भारतबाट सवारीसाधन लिएको समाचारलाई अस्वीकार गरेको थियो। भारतले श्रीलङ्कालाई क्रेडिट लाइन अन्तर्गत कुनै पानी तोप गाडी नदिएको बताएको छ ।
