सुशान्त मृत्युको २ वर्ष : बहिनीले भनिन् - ठूलो षड्यन्त्रको हिस्सा
हाम्रा कुरा
प्रकाशित २०७९ असार ३० बिहिबार
245
Shares
काठमाडौं । दिवङ्गत बलिउड अभिनेता सुशान्त सिंह राजपूतको निधन भएको २ वर्ष पूरा भएको छ । १४ जुन २०२० मा सुशान्तले संसारबाट बिदा लिएका थिए । उनी आफ्नै घरमा मृत फेला परेका थिए ।
उनको मृत्यु वा हत्या सो मामिलामा हालसम्म अदालतले धेरैलाई अभियुक्त बनाएको छ । हालै यो प्रकरणमा उनकी पूर्व प्रेमिका रिया चक्रवर्ती र भाइ शोविकको नाम पनि जोडिएको छ ।
सुशान्त सिंह राजपूतकी बहिनी प्रियङ्का सिंहले पनि पहिलो पटक यस विषयमा कुरा गरेकी छिन् । अभिनेताकी बहिनी प्रियङ्का सिंहले भनिन्, 'सुशान्तको मृत्यु ठूलो षड्यन्त्रको हिस्सा थियो।'
बयानसँगै फेरि सुशान्तको मृत्युलाई लिएर प्रश्न उठेको छ । सुशान्तले धेरै बलिउड फिल्महरूमा काम गरेका छन् । उनको अन्तिम फिल्म ‘दिल बेचारा’ थियो । जसलाई दर्शकले निकै रुचाएका छन् । बलिउड स्टार बन्नुअघि सुशान्त टिभी अभिनेता पनि थिए ।
