५६ वर्षीय व्यवसायी ललित मोदीसँग विवाह गर्दै सुष्मिता सेन

हाम्रा कुरा

प्रकाशित २०७९ असार ३१ शुक्रबार

काठमाडौं । बलिउड अभिनेत्री तथा पूर्व मिस युनिभर्स सुष्मिता सेन व्यापारी ललित मोदीसँग विवाह गर्ने तयारीमा छिन् । ललित मोदीसँग सुष्मिताको छिट्टै विवाह हुने भएको छ ।

४५ वर्षीया सुष्मिता सुष्मिता फिल्मभन्दा पनि आफ्नो व्यक्तिगत जीवनका कारण चर्चामा रहेकी छिन् । ५६ वर्षीय व्यवसायी ललित मोदी अभिनेत्रीको जीवनमा आएका छन् ।

सुष्मिता सेन र ललित मोदीले एक ट्विटर र इन्स्टाग्राम पोस्टमा आफ्नो सम्बन्धको खुलासा गरेका छन् । यी दुईले एक अर्कालाई लामो समयदेखि चिन्दै आएका थिए र अहिले डेट गरिरहेका छन् । ललितको पोष्ट अनुसार यी दुईले चाँडै बिहे पनि गर्दै छन् ।

ललितकी श्रीमती मीनल मोदीको निधन भएको थियो । ६४ वर्षको उमेरमा मीनल मोदीको क्यान्सरबाट निधन भएको थियो । मीनल ललित भन्दा १० वर्ष जेठी थिइन् । उनीहरूका दुई सन्तान आलिया मोदी र रुचिर मोदी छन् ।

१८ वर्षको उमेरमा मिस इन्डिया बनेकी सुष्मिता आफ्नो पहिलो फिल्मदेखि नै आफ्नो अफेयरलाई लिएर चर्चामा छिन् ।

सुष्मिताको डेब्यु फिल्म दस्तकका लेखक विक्रम भट्ट हुन् । यी दुवैको नाम निकै जोडिएको थियो र वर्षौंसम्म हेडलाइनमा रह्यो । सन् १९९६ मा सुरु भएको सम्बन्धको यो शृङ्खला २०२१ मा रोहमन शालसँग ब्रेकअपसम्म जारी रह्यो ।

११ जनालाई डेट गरिसकेकी सुष्मिता आफूभन्दा १६ वर्ष कान्छा रोहमनसँग डेटमा थिइन् । सुष्मितालाई रोहमानले इन्स्टाग्राममा एक प्रशंसक जस्तो व्यक्तिगत सन्देश पठाएका थिए। यसपछि, ती दुवैको प्रेम कहानी सुरु भएको थियो।

उनले दुई छोरीलाई धर्मपुत्र लिएर जिम्मेवारी लिएकी छन् ।

१९ वर्षको उमेरमा सुष्मिताले मिस युनिभर्सको उपाधि जितेकी थिइन् । सुष्मिता सेन र ऐश्वर्या राय दुवैले मिस इन्डिया प्रतियोगितामा भाग लिएका थिए।