काठमाडौं । पूर्व मिस युनिभर्स सुष्मिता सेन इन्डियन प्रिमियर लिगका पूर्व अध्यक्ष ललित मोदीसँग डेटमा छिन् । व्यवसायी ललित मोदीले बलिउड अभिनेत्री सुष्मिता सेनसँग डेट गरेको खुलासासँगै भारतीय फिल्म र क्रिकेट वृत्तमा हङ्गामा मच्चिएको छ ।

बिहीबार ललितले ट्विटरमा सुष्मितासँगका केही तस्बिर सेयर गरेका थिए । उनले क्याप्शनमा उनीप्रतिको आफ्नो प्रेम प्रकट गरे तर यो पनि स्पष्ट गरे कि दुई जना भर्खरै डेट गर्दै छन् र अझै गाँठो बाँधिएका छैनन्।

आईपीएलका संस्थापक समेत रहेका मोदीले सुष्मिता सेनसँग छिट्टै विवाह गर्ने पनि बताएका छन् । योसँगै सुष्मिताका पूर्व प्रेमी रोहमन शाल, बुबा शुबीर र ललितका छोरा रुचिरले प्रतिक्रिया जनाएका छन् । 

ललित मोदिका छोरा रुचीकरले बाबुको डेट व्यक्तिगत भएको बताएका छन् । उनले बाबुको हातमा निर्णय भएको बताएका छन् । रुचिर मोदीले आफ्नो बुबाको व्यक्तिगत जीवनको बारेमा धेरै नबोल्ने बताए किनभने उनको परिवारको व्यक्तिगत मामिलामा कुरा नगर्ने नीति छ। उनले भने, "यो उहाँको जीवन र निर्णय हो।"

रुचिर ललित मोदीकी दिवङ्गत पत्नी मिनल मोदीका छोरा हुन्। ६४ वर्षको उमेरमा मिनलको सन् २०१८ मा क्यान्सरका कारण निधन भएको थियो । उनको आलिया नामकी छोरी पनि छिन् ।

यता सुष्मिताका बुबा शुरबीरले छोरीको विवाह बारे आफूलाई केही थाहा नभएको बताएका छन् । शुरबीरले सुष्मिताको सम्बन्धको खबरमा प्रतिक्रिया दिँदै भनेका छन्, "मलाई यसबारे केही थाहा छैन। मैले छोरीसँग बिहान मात्रै कुरा गरेको छु, तर उनले केही भनिनन्। "

१८ वर्षको उमेरमा मिस इन्डिया बनेकी सुष्मिता आफ्नो पहिलो फिल्मदेखि नै आफ्नो अफेयरलाई लिएर चर्चामा छिन् । 

सुष्मिताको डेब्यु फिल्म दस्तकका लेखक विक्रम भट्ट हुन् । यी दुवैको नाम निकै जोडिएको थियो र वर्षौंसम्म हेडलाइनमा रह्यो । सन् १९९६ मा सुरु भएको सम्बन्धको यो शृङ्खला २०२१ मा रोहमन शालसँग ब्रेकअपसम्म जारी रह्यो ।

११ जनालाई डेट गरिसकेकी सुष्मिता आफूभन्दा १६ वर्ष कान्छा रोहमनसँग डेटमा थिइन् । सुष्मितालाई रोहमानले इन्स्टाग्राममा एक प्रशंसक जस्तो व्यक्तिगत सन्देश पठाएका थिए। यसपछि, ती दुवैको प्रेम कहानी सुरु भएको थियो।

सुष्मिताको प्रेम बारे रोहमनले पनि प्रतिक्रिया जनाएका छन् । रोहमनले एक अन्तर्वार्तामा भनेका छन्– ‘मलाई यति मात्र थाहा छ यदि सुष्मिताले कसैलाई रोजेकी छन् भने, ती व्यक्ति उनको योग्य छन्।'

रोहमन र सुष्मिता दुवैको गत वर्ष डिसेम्बर २०२१ मा ब्रेक अप भएको थियो । 

४५ वर्षको उमेरमा सुष्मिताले ५६ वर्षीय व्यवसायी ललित मोदी सँग जोडेकी हुन् ।