-
-
-
-
काठमाडौं । भारतको मध्य प्रदेशको नर्मदा नदीमा यात्रुवाहक बस खसेको छ । इन्दोरबाट पुणे जाँदै गरेको बस बिहान पौने ११ बजे नर्मदा नदीमा खसेको हो ।
बसबाट १३ जनाको शव निकालिएको छ । जसमा ८ पुरुष, ४ महिला र १ बालबालिका रहेका छन् । बसमा कति यात्रु थिए त्यसको विवरण आएको छैन ।
घटनास्थलमा खटिएका उद्धार टोलीले अहिलेसम्म कसैलाई पनि जीवितै बाहिर निकाल्न नसकिएको बताएका छन् ।
खलघाटको दुई लेनको पुलमा गाडीलाई ओभरटेक गर्ने क्रममा बस अनियन्त्रित भई दुर्घटना भएको हो ।
चालकले सन्तुलन गुमाएपछि बस रेलिङ भाँच्दै खोलामा खसेको थियो ।
दुर्घटनाको जानकारी पाउनासाथ खलघाटलगायत आसपासका मानिसहरू घटनास्थल पुगेका थिए ।
