-
-
-
-
काठमाडौं । सत्ता साझेदार तीन दलका विद्यार्थी सङ्गठनले बालुवाटारमा प्रदर्शन गरेका छन् ।
नेपाली कांग्रेस निकट नेविसंघ, माओवादी केन्द्र निकट अखिल क्रान्तिकारी र नेकपा (एकीकृत समाजवादी) निकट अनेरास्ववियूले गभर्नर महाप्रसाद अधिकारीको राजीनामा माग गर्दै बालुवाटारमा प्रदर्शन गरेका हुन् ।
नेपाल राष्ट्र बैङ्कको गेट नजिक जम्मा भएका विद्यार्थी सङ्गठनले कालो ब्यानर राखेर विरोध जनाएका छन् ।
गभर्नर अधिकारी एमालेको अर्थ तथा योजना विभागका सदस्य भएको सार्वजनिक भएसँगै अधिकारीको नियुक्तिबारे बहस र आलोचना भइरहेको छ ।
दलीय संलग्नता र शैक्षिक योग्यता समेतका विषयहरूमा प्रश्न उठेको भन्दै युवा विद्यार्थी सङ्गठनहरू केही दिन यता आन्दोलित रहेकोमा नेविसंघ र अखिलले घेराउ र विरोध प्रदर्शन गर्दै आएका छन् ।
