काठमाडौं । पूर्व मिस युनिभर्स सुष्मिता सेन र इन्डियन प्रिमियर लिगका पूर्व अध्यक्ष ललित मोदी आफ्नो सम्बन्धको घोषणा गरेदेखि नै चर्चामा छन् । व्यवसायी मोदीले बलिउड अभिनेत्री सुष्मिता सेनसँग डेट गरेको खुलासासँगै भारतीय फिल्म र क्रिकेट वृत्तमा हङ्गामा मच्चियो। ४५ वर्षको उमेरमा सुष्मिता ५६ वर्षीय व्यवसायी ललित मोदीसँग डेटमा छिन् ।

सुष्मिता र मोदीको सम्बन्धको खबर सुनेर धेरैलाई अचम्म मात्र लागेन पत्याउनै गाह्रो भयो । यस्तो अवस्थामा दुवैको डेटिङको खबर बाहिर आएपछि मानिसहरूको अनेक किसिमका प्रतिक्रियाहरू जनाइरहेका छन् । सामाजिक सञ्जालमा दुवैलाई ट्रोल गर्न थाले । ४० कटेपछि रमाउन खोजेका सुष्मिता र मोदीलाई हैरानी दिइरहेका छन् । 

तर अहिले यो जोडीले ट्रोललाई बारम्बार जवाफ दिने गरेको देखिन्छ । यसै क्रममा हालै मोदीले आफ्नो इन्स्टाग्राम एकाउण्ट मा एक पोस्ट सेयर गरेका छन् । पोष्ट सेयर गर्दै मोदीले ट्रोललाई जवाफ मात्र दिएका छैनन् मिडियालाई पनि निशाना बनाएका छन् । सो पोस्टमा मोदीले एउटा कार्टुन सेयर गरेका छन्, जसमा चार फरक-फरक समाचार देखाइएको छ । यी चार समाचारमध्ये एउटा ललित र सुष्मिताको सम्बन्धको पनि छ । देशका ठूला समस्यालाई मानिसले बेवास्ता गर्दै सुष्मिता र ललितको सम्बन्धको खबर सबैको चासोको विषय बनेको देखाइएको छ ।

ललित मोदीले ट्रोललाई यसरी जवाफ दिएको यो पहिलो पटक भने होइन । सामाजिक सञ्जालमा लगातार ट्रोल भइसकेपछि अहिले ललित र सुषले ट्रोल गर्नेलाई लगातार जवाफ फर्काइरहेका छन् । 

हालै ट्रोलमाथि आक्रोश पोख्दै ललितले एक पोस्टमार्फत आलोचना गर्नेलाई कडा जवाफ दिएका थिए । जुलाई १४ मा ललित मोदीले ट्विटरमा एक पोस्टमार्फत सुष्मिता सेनसँग आफ्नो सम्बन्धको घोषणा गरेका थिए ।

ललितकी श्रीमती मीनल मोदीको ६४ वर्षको उमेरमा क्यान्सरबाट निधन भएको थियो । मीनल ललित भन्दा १० वर्ष जेठी थिइन् । उनीहरूका दुई सन्तान आलिया मोदी र रुचिर मोदी छन् । रुचिर मोदीले  समेत आफ्नो बुबाको व्यक्तिगत जीवनको बारेमा धेरै नबोल्ने बताएका छन् । किनभने उनको परिवारको व्यक्तिगत मामिलामा कुरा नगर्ने नीति छ। उनले भनेका छन्, 'यो उहाँको जीवन र निर्णय हो।'

आईपीएलका संस्थापक समेत रहेका मोदीले सुष्मिता सेनसँग छिट्टै विवाह गर्ने पनि बताएका छन् ।

१८ वर्षको उमेरमा मिस इन्डिया बनेकी सुष्मिता आफ्नो पहिलो फिल्मदेखि नै आफ्नो अफेयरलाई लिएर चर्चामा रहिन् । सुष्मिताको डेब्यु फिल्म दस्तकका लेखक विक्रम भट्टसँग सन् १९९६ मा सुरु भएको सम्बन्धको यो शृङ्खला २०२१ मा रोहमन शालसँग ब्रेकअपसम्म जारी रह्यो ।

११ जनालाई डेट गरिसकेकी सुष्मिता आफूभन्दा १६ वर्ष कान्छा रोहमनसँग डेटमा थिइन् । सुष्मितालाई रोहमानले इन्स्टाग्राममा एक प्रशंसक जस्तो व्यक्तिगत सन्देश पठाएका थिए। यसपछि, ती दुवैको प्रेम कहानी शुरु भएको थियो। रोहमन र सुष्मिता दुवैको गत वर्ष डिसेम्बर २०२१ मा ब्रेक अप भएको थियो । 

यसपछि सुष्मिता ललितसँग डेटमा छिन् । दुवैले आफ्नो सम्बन्धपछि लामो पोस्ट सेयर गरेका थिए । तर, अहिले दुवैले कुनै कुराले फरक नपर्ने बताउँदै आएका छन् । दुवै आफ्नो जीवनमा निकै खुसी छन् । जुलाई १४ मा ललित मोदीले ट्विटरमा एक पोस्टमार्फत सुष्मिता सेनसँग आफ्नो सम्बन्धको घोषणा गरेका थिए ।