शंकर पोखरेलले खोले मुख –‘वामपन्थी आन्दोलन बलियो बनाउन सबैलाई समेटौँ’

शंकर पोखरेलले खोले मुख –‘वामपन्थी आन्दोलन बलियो बनाउन सबैलाई समेटौँ’

हाम्रा कुरा

प्रकाशित २०७९ साउन १० मंगलबार

चितवन । नेकपा एमालेका महासचिव शङ्कर पोखरेलले स्थानीय तहको निर्वाचनपछि एमाले नेपालको प्रमुख राजनीतिक शक्तिका रुपमा स्थापित भइसकेको जिकिर गरेका छन् । एमाले चितवन जिल्ला कमिटीद्वारा मंगलबार भरतपुरमा आयोजित जिल्लास्तरीय प्रशिक्षण कार्यक्रमलाई सम्बोधन गर्दै उनले पार्टी सङ्घ र प्रदेशको निर्वाचनमा झन सशक्त बन्ने दाबी गरे ।

उनले वामपन्थी आन्दोलनलाई बलियो बनाउन विभिन्न पार्टीमा रहेकालाई एमालेमा गोलबन्द हुन आह्वान गरे । पार्टीले देशव्यापी रुपमा सङ्घ र प्रदेशको निर्वाचन केन्द्रित कार्यक्रम सञ्चालन गर्न थालेको उल्लेख गर्दै गाँउगाँउमा अभियान सञ्चालन गर्न कार्यकर्तालाई निर्देशन दिएका छन् ।

चिनियाँ प्रतिनिधिमण्डल नेपाल आएर फर्केपछि अन्य कम्युनिष्ट दलहरुबीच तालमेलको चर्चा चलिरहे पनि एमाले भने शान्त बसेको छ । उसले पहिले पाँच दलीय गठबन्धन तोडेर त्यसपछिमात्र सँगसँगै जाने रणनीति बनाइरहेको छ ।