-
-
-
-
काठमाडौं । भारतीय वायुसेनाको लडाकु विमान दुर्घटनाग्रस्त भएको छ । राजस्थानको बारमेरको भीमदा गाउँमा बिहीबार राति ९ बजे वायुसेनाको लडाकु विमान दुर्घटनाग्रस्त भएको हो ।
दुर्घटना स्थलमा दुई जनाको शव परेको छ । दुर्घटनामा विमानमा सवार दुवै पाइलटको मृत्यु भएको छ । दुर्घटना भएको करिब ४५ मिनेटपछि प्रहरी र सेनाका अधिकारी घटनास्थल पुगेका थिए ।
विमान खसेको ठाउँमा १५ फिटको ठूलो खाडल बनेको छ । यता भारतीय वायुसेनाले दुर्घटनाको कारण पत्ता लगाउन कोर्ट अफ इन्क्वायरीको आदेश दिएको छ । रक्षामन्त्री राजनाथ सिंहले एयर चीफ मार्शल वीआर चौधरीसँग दुर्घटनाको बारेमा कुरा गरेका थिए।
