-
-
-
-
काठमाडौं । भारतस्थित पश्चिम बंगालको कुच बिहारमा विद्युतीय दुर्घटनामा परी कम्तीमा दश जनाको मृत्यु भएको छ । पिकअपमा करेन्ट लागेसँगै उनीहरुको मृत्यु भएको हो । घटनामा परी १६ जना घाइते भएका अधिकारीहरुले जनाएका छन् ।
उनीहरुलाई स्थानीय अस्पतालमा उपचार गराइएको छ । २७ जना पिकअपमा बसेर मन्दिरमा जल चढाउन जाँदै थिए । तर अचानक विद्युतीय दुर्घटनामा परी ठूलो दुर्घटना भएको हो ।
जेनेरेटरको तारमा सर्ट सर्किट भएर पिकअपमा करेन्ट प्रवाह भएको बताइएको छ । दुर्घटनाको कारणका बारेमा थप अनुसन्धान भइरहेको प्रहरीले जनाएको छ ।
भारतमा लापर्वाहीका कारण हरेक वर्ष विद्युतीय दुर्घटनामा परी सयौँको मृत्यु हुने गरेको छ ।
