भारत र पाकिस्तान एसिया कप क्रिकेटको एकै समूहमा

हाम्रा कुरा

प्रकाशित २०७९ साउन १७ मंगलबार

काठमाडौं । भारत र पाकिस्तान यूएईमा आयोजना हुने एसीसी एसिया कप क्रिकेट २०२२ को एकै समूहमा परेका छन् । आगामी अगस्त २७ तारिखदेखि शुरु हुने प्रतियोगिताको खेल तालिका सार्वजनिक भएसँगै भारत र पाकिस्तान एकै समूहमा परेको एसियाली क्रिकेट परिषद् (एसीसी) ले जनाएको छ ।

एसीसीले सहभागी ६ टोलीलाई दुई समूहमा विभाजन गर्दै खेल तालिका सार्वजनिक गरेको हो । समूह एमा साविक विजेता भारतसँगै पाकिस्तान र छनोटबाट आउने एक टोली रहेका छन् । यो समूहका लागि कुवेत, हङकङ, सिंगापुर र कुवेतमध्ये एक टोली यस समूहमा रहने छन् ।

अर्थात् यो समूहबाट भारत र पाकिस्तान नै सुपर फोरमा पुग्ने सम्भावना बलियो बनेको छ ।