-
-
-
-
काठमाडौं । बलिउड अभिनेता आमिर खानको फिल्म लाल सिंह चड्ढा रिलिज हुनु अघि नै बहिष्कारमा परेको छ ।
लाल सिंह चड्ढा अगस्ट ११ मा सिनेमा घरमा रिलिज हुँदै छ । रिलिज हुनुअघि नै सामाजिक सञ्जालमा प्रयोगकर्ताले फिल्म बहिष्कार गर्न माग गरिरहेका छन् ।
अहिले ब्यइकटलालसिंहचड्ढा पनि ट्विटरमा लगातार ट्रेन्डिङमा छ । आमिरले फिल्ममा हिन्दू संस्कृतिको अपमान गरेको प्रयोगकर्ताहरूले आरोप लगाएका छन् ।
तर कुनै पनि चलचित्र रिलिजअघि बहिष्कारमा परेको यो पहिलो पटक भने होइन । यसअघि पनि शाहरुख खान, रणवीर सिंह जस्ता सेलिब्रेटीको फिल्म सामाजिक सञ्जालमा बहिष्कार भइसकेको छ । तर, यसपछि पनि ती फिल्महरू बक्स अफिसमा हिट साबित भएका छन् ।
