पाँच खेलको क्रिकेट शृङ्खलामा भारतसँग वेष्ट इन्डिज पराजित
हाम्रा कुरा
प्रकाशित २०७९ साउन २३ सोमबार
836
Shares
काठमाडौं । पाँच खेलको टी-२० अन्तर्राष्ट्रिय क्रिकेट शृङ्खलामा भारतले वेष्ट इन्डिजलाई पराजित गरेको छ ।
घरेलु टोली वेष्ट इन्डिजलाई भारतले ८८ रनले पराजित गरेको छ । योसँगै भारतले पाँच खेलको सिरिज ४–१ ले जितेको छ ।
पहिलो खेलमा भारतले वेष्ट इन्डिजलाई ६८ रनले हराएको थियो । दोस्रो खेलमा वेष्ट इन्डिजले ५ विकेटले जित्दै १-१ को बराबरी गर्यो । त्यस्तै तेस्रो, चोथो र पाँचौँ खेल भारतले आफ्नो पक्षमा पार्यो ।
टस जितेर पहिले ब्याटिङ गरेको भारतले २० ओभरमा ७ विकेट गुमाएर १८८ रन बनाएको थियो । ओपनिङमा आएका श्रेयस अय्यरले सर्वाधिक ६४ रनको इनिङ खेले । दीपक हुडाले ३८ र कप्तान हार्दिक पाण्डेयले २८ रन बनाए ।
जवाफमा वेष्ट इन्डिजको टोली १५.४ ओभरमा १०० रनमा अलआउट भयो। शिमरोन हेटमायरले ५६ रन बनाए । भारतका लागि रवि बिश्नोईले सर्वाधिक ४ विकेट लिए । अक्षर पटेल र कुल दीप यादवले तीन–तीन विकेट लिए ।
