-
-
-
-
काठमाडौं । विभिन्न कारण अवरोध हुँदै आएको फोहर व्यवस्थापन स्थानीयवासीले पुनः रोकेका छन् ।
बञ्चरेडाँडाका स्थानीयले फेरी सडक हिलो र धुलो भएको भन्दै फोहोरका गाडी रोकेका छन् ।
माग राखेर धुनीबेँसी गाउँपालिका–१ का स्थानीयवासीले आइतबारदेखि उपत्यकाको फोहोर लैजान दिएका छैनन् ।
आइतबार र सोमबार फोहोर लिएर गएका ट्रकमाथि स्थानीयवासीले ढुङ्गा हानेका थिए । ढुङ्गा प्रहार गरेपछि फोहोरका गाडी फर्किएका थिए।
काठमाडौं महानगरपालिकाले धादिङ प्रशासनसँग मङ्गलवारदेखि ल्यान्डफिल साइट क्षेत्र बन्चरेडाँडामा सुरक्षाको माग गरेको छ ।
यसअघि बाटो मर्मतकै कारण उपत्यकाका १८ स्थानीय तहको फोहर व्यवस्थापनको काम रोकिएको थियो ।
हरेक दिन उपत्यकाबाट एक हजार २ सय मेट्रिक टन फोहर सिसडोलमा व्यवस्थापन हुँदै आएको थियो ।
यसमध्ये सबैभन्दा बढी कामपामा ५ सय मेट्रिक टन फोहर निस्कने गर्दछ ।
