-
-
-
-
काठमाडौं । विष्णु माझीले ‘चरी जेलैमा २’ ल्याएकी छिन् । तीज केन्द्रीत पहिलो भाग चलेपछि माझीको दोस्रो भाग पनि आएको हो । तर दोस्रो भाग भने पहिलो भागकै लयमा आएको छ । केही शब्दमात्र तलमाथि पारिएको छ ।
त्यसैगरी भिडियो फरक छ । उही शैलीको गीत आएपछि यसले पहिलेको जस्तो चर्चा बटुल्ने सम्भावना भने कम छ । पहिलो भाग विष्णु माझीको आफ्नै जीवनमा मेल खाएको भन्दै दर्शकले निकै मन पराएका थिए ।
माझी बाहिर खुलेआम देखिँदैनिन् । उनको अनुहार नदेखेको दर्शकले वर्षौं भइसकेको छ । उनले गीत रेकर्ड गराउँदा पनि मुख छोपेर जाने गरेकी छिन् । उनको तस्बिर खिच्न पनि दिइँदैन ।
