भारतीय सेनाको क्याम्पमा छिरे आक्रमणकारी, सुरक्षामा कडाइ
तीन सैनिक र दुई आक्रमणकारीको मृत्यु
हाम्रा कुरा
प्रकाशित २०७९ साउन २६ बिहिबार
1.6k
Shares
काठमाडौं । जम्मू र कश्मीरको राजौरीमा आतङ्ककारीहरूले सेनाको शिविरमा छिरेर आक्रमण गरेका छन् । दुई आत्मघाती आक्रमणकारी परगल आर्मी क्याम्पमा प्रवेश गरेर आक्रमण गरेका हुन् ।
आक्रमणमा तीन सैनिकको मृत्यु भएको छ भने दुई आक्रमणकारीलाई सैनिकले घटनास्थलमै मारिदिएका छन् ।
जम्मू र कश्मीरको राजौरीमा रहेको सैन शिविरमा दुई आतङ्ककारीहरू बिहीबार बिहान प्रवेश गरेका थिए । राजौरीबाट करिब २५ किलोमिटर टाढा रहेको सैन शिविरमामा आत्मघाती हमला भएको हो ।
घटनामा पाँच जवान घाइते भएका छन् । अहिले सो क्षेत्रमा सेनाको उच्च निकगारनी भइरहेको छ ।
आतङ्कवादीले परगल सैन्य क्याम्पकोमा आक्रमणको प्रयास गरेको र सिपाहीहरूले उनीहरूलाई रोक्न खोज्दा मुठभेड सुरु भएको एडीजीपी मुकेश सिंहले बताएका छन् । सेनाको क्याम्पमा थप बल पठाइएको छ।सुरक्षा अवस्थामा कडाइ गरिएको छ।
