तीज गीत ‘माइती आँगन’ मा आस्था, रोश्ना र दीपिकाको अभिनय

हाम्रा कुरा

प्रकाशित २०७९ साउन ३१ मंगलबार

काठमाडौं । हिन्दु नारीहरूको महान् पर्व हरितालिका तीजलाई लक्षित गर्दै बेलायतबाट ‘माइती आँगन’को म्युजिक भिडियो सार्वजनिक गरिएको छ ।

गायिका प्राश्ना शाक्यको स्वर तथा सुनिल मास्केको सङ्गीत रहेको गीतमा मञ्जु खनालका शब्द सिर्जना रहेको गीतमा प्रदीप श्रेष्ठको एरेन्ज रहेको छ ।

किशोर थापाको मिक्सिङ, भरत रेग्मीको कलरिंग रहेको गीतको भिडियोको निर्देशन लन्डनका युवा निर्देशक कुशल श्रेष्ठले गरेका हुन् ।

आधुनिक शैलीका गीतमा बढी रमाएका निर्देशक श्रेष्ठ बेलायतका सर्वाधिक व्यस्त निर्देशक तथा कुशल सञ्चारकर्मी हुन् ।

काव्या श्रेष्ठको सह निर्देशन रहेको भिडियोमा छायाङ्कन र सम्पादन पनि निर्देशक श्रेष्ठकै रहेको छ ।

भिडियोमा स्थानीय कलाकारहरू आस्था जोशी, रोश्ना कार्की, दीपिका श्रेष्ठ, नीरु कोइराला, रीमा कँडेल, अमिका महत, शीक्षा पौडेल, विनीता थापा, बिनी खनाल, प्रतिमा पाण्डे, मेरिना थापा र दीपक थापा मैथाने मगरले अभिनय गरेका छन् ।