-
-
-
-
काठमाडौं । विगत १७ दिनदेखि आमरण अनशन बसेकी निहारिका राजपुतले अनशन तोडेकी छन् । आफ्नो बच्चाको ‘डिएनए’ परीक्षणको माग राख्दै अनशन बसेकी निहारिका र सरकार बीचमा तीन बुँदे सहमति भएपछि अनशन तोडेकी हुन् ।
काठमाडौंका प्रमुख जिल्ला अधिकारी गोविन्दप्रसाद रिजाल र राजपुतबीच आइतबार राति तीन बुँदे सहमति भएसँगै राजपुतले आमरण अनशन तोडिन् ।
सहमतिमा राजपुतको मागअनुसार उच्च अदालत जनकपुरमा विचाराधीन मुद्दामा डिएनए परीक्षण गर्न अदालतसमक्ष जाहेरवालाका तर्फबाट सरकारी वकिलले माग गर्ने सहमति भएको छ ।
यस्तै, डिएनए परीक्षणलाई विश्वसनीय बनाउन अदालतसमक्ष आवश्यक प्रक्रिया अपनाउन माग गर्ने सहमति भएको हो ।
