-
-
-
-
काठमाडौं । टी–२० क्रिकेट श्रृंखलाको चौथो खेलमा नेपाल केन्यासँग ७ रनले पराजित भएको छ । नैरोवीस्थित जिमखाना क्रिकेट मैदानमा टस हारेर फिल्डिङको निम्तो पाएको नेपालले १ सय १ रनको विजयी लक्ष्य पाएको थियो ।
२० ओभरमा सबै विकेट गुमाउँदै नेपालले ९४ रन मात्रै जोड्न सक्यो । नेपालका लागि रोहित पौडेलले ४७ रन बाहेक अन्य ब्याटरले दोहोरो अंकमा रन बनाउन सकेनन् ।
केन्याको वलिङमा राखेप पट्टेलले सर्वाधिक ३ विकेट लिए । एलिज ओटिन्हो सेम एन्गोचे र भिराज पट्टेलले समा दुई विकेट लिए ।
आज पराजित भएसँगै नेपाललाई केन्यासँगको श्रृंखलाको उपाधि जित्न मंगलबार हुने अन्तिम खेलमा जित निकाल्नै पर्ने दबाब रहेको छ ।
आजको खेल जितेको भए नेपालले एक खेलअघि नै उपाधि जित्ने थियो । श्रृंखलामा अहिले २–२ को बराबरी भएको छ ।
