जम्मू–काश्मीर : भारतीय गृहमन्त्री अमित शाहद्वारा ३२ वर्षपछि सहिदहरू सम्मानित
एजेन्सी,
प्रकाशित २०७९ भदौ २४ शुक्रबार
639
Shares
नयाँ दिल्ली । जम्मू-काश्मीरको माटोका लागि आफ्नो बलिदानी दिएका ३२ जना सहिदहरूलाई गृहमन्त्री अमित शाहले सम्मान गरेका छन्।
३२ वर्षसम्म जम्मु कश्मीरमा तिरंगालाई उचाइमा राख्नका लागि आफ्नो जीवनको बलिदान दिने शहीदहरू गुमनाम नायकहरू थिए। किनभने पूर्व शासकहरूले उनीहरूका लागि कुनै पनि कुरा सोचेनन् । तर, ‘नयाँ जम्मू–काश्मीर’ मा सहिदहरूको बलिदानलाई सम्झँदै उनीहरूको नाम सुनौलो अक्षरमा लेखिएको छ।
भारतले आफ्नो ७६ औँ स्वतन्त्रता-दिवस मनाउने क्रममा, लेफ्टिनेन्ट गभर्नर मनोज सिन्हाको नेतृत्वमा जम्मू-काश्मीर प्रशासनले १९९ स्कुल, कलेज र सडकहरूलाई प्रतिष्ठित व्यक्तित्वहरू र वर्दीमा शहीद नायकहरूको नाममा पुन:नामाकरण गर्ने घोषणा गर्यो।
१९९ परियोजनाहरू मध्ये, १३२ को जम्मु काश्मीर प्रहरीका शहीदहरूको नाममा नामकरण गरिएको छ। विगत ३२ वर्षको पाकिस्तान प्रायोजित प्रोक्सी युद्धमा प्रहरी र अन्य सुरक्षा बलका कर्मचारीहरूले आतङ्कवादी र पृथकतावादीहरूको दबाबमा झुकेनन् र अन्तिम साससम्म लड्दै तिनीहरूको नाकाम योजनालाई विफल पारे।
अगस्ट ५, २०१९ सम्म जब केन्द्रले जम्मु काश्मीरको तथाकथित विशेष दर्जा खारेज गर्ने र यसलाई दुई केन्द्र शासित प्रदेशहरूमा विभाजन गर्ने निर्णय घोषणा गर्यो। राजनीतिज्ञहरूले बहादुरी, साहस, बलिदान र वीरहरूको भावनालाई स्वीकार गरेनन्, जसले राष्ट्रको रक्षा गर्न आफ्नो ज्यान गुमाए।
जम्मू-कश्मीर पुलिस जवान र अधिकारीहरूलाई सम्मान गर्ने प्रवृत्ति केन्द्रीय गृहमन्त्री अमित शाहद्वारा सेट गरिएको छ। जसले जम्मू-कश्मीरको आफ्नो सबै भ्रमणको क्रममा शहीद जम्मू-कश्मीर पुलिसकर्मीहरूको घरमा पुग्ने गरेका छन्।
