-
-
-
-
काठमाडौं । च्याम्पियन्स लिग फुटबलमा इङ्गलिश प्रिमियर लिग क्लब लिभरपुलले समूह चरणमा पहिलो जित निकालेको छ । समूह चरण अन्तर्गत समूह ए को खेलमा मंगलबार राति डच क्लब आयाक्सलाई २–१ ले हराउँदै लिभरपुलले पहिलो जित निकालेको हो ।
घरेलु मैदानमा लिभरपुललाई जित दिलाउन मोहम्मद सलाह र जोएल माटिपले एक एक गोल गरे । १७ औं मिनेटमा सलाहले गोल गरेकामा २७ औं मिनेटमा मोहमद कुडुसले गोल गर्दै आयाक्सलाई बराबरीमा ल्याए ।
निरश बराबरीतर्फ अगाडि बढेको अवस्थामा ८९ औं मिनेटमा माटिपले गोल गर्दै लिभरपुललाई जिताए ।
जितसँगै लिभरपुलले २ खेलमा ३ अंक जोडेको छ । लिभरपुल दोस्रो स्थानमा छ । पहिलो खेलमा लिभरपुल नापोलीसँग ४–१ ले पराजित भएको थियो । शीर्ष स्थानको नापोलीको १ खेलबाट ३ अंक छ ।
आयाक्स २ खेलबाट ३ अंक जोडेर तेस्रो स्थानमा रहेको छ । अंकविहीन रेन्जर्स पुछारमा छ ।
