एजेन्सी । बलिउडका निर्देशक महेश भट्ट आजबाट ७४ वर्षका भएका छन् । २० सेप्टेम्बर १९४८ मा मुम्बईमा जन्मेका महेशले हिन्दी सिनेमामा हिट फिल्म दिएका छन् । उनले ‘राज’, ‘जिस्म’, ‘पाप’, ‘मर्डर’, ‘रोग’, ‘जेहर’, ‘मर्डर २’, ‘जिस्म २’ जस्ता धेरै बोल्ड फिल्म निर्देशन गरेका छन् ।
महेश भट्टको फिल्मको कन्टेन्टले मानिसको ध्यान खिच्ने गर्दछ । यसबाहेक उनको व्यक्तिगत जीवनमा पनि धेरै घटना घटेका छन् । महेश भट्टको लभ लाइफ सधैँ विवादमा रह्यो। उनको नाम धेरै सुन्दरतासँग जोडिएको छ । त्यस मध्ये एक हुन् अभिनेत्री परवीन बाबी। परवीन निर्माता महेश भट्टलाई चाहन्थिन् ।
सन् १९७७ मा दुवैको प्रेम चर्चामा रहेको थियो । सो समय महेश भट्ट विवाहित थिए । परवीनले कबीर बेदीसँग सम्बन्ध विच्छेद गरेकी थिइन् । सुपरस्टार परवीन र महेश लिभ इनमा बस्न सुरु गरेका थिए । दुवै एक - अर्काको यति नजिक भएकी दुई बीच मायाको मात्र स्थान रहेको थियो ।
दुवै एकै साथ कतै कार्यक्रममा देखिदा चर्चित कलाकार समेत हेरेको हेरै हुन्थे। घरमा परवीन साधारण गृहमणि भएर काम गर्थिन् उनिले महेशलाई पागलको रूपमा प्रेम गरेकी थिइन् । एक रात परवीनसँग आक्रोशित भएर महेश भट्ट घरबाट निस्कन्छन् ।
परवीन पनि उनको पछि कुद्छिन् । मायामा अन्धी बनेकी परवीन बिना कपडा नै महेशको पछाडि कुदेको भारतीय सञ्चार माध्यमले बताउने गरेका छन् । महेश भट्ट बलिउड अभिनेत्री आलिया भट्टका बुवा हुन् ।
