जम्मू–कश्मीरमा डीजी जेल लोहियाको हत्या, टीआरएफले लियो जिम्मा

हाम्रा कुरा

प्रकाशित २०७९ असोज १८ मंगलबार

जम्मू–कश्मीर । भारतको जम्मू–कश्मीरमा डीजी जेल (डाइरेक्टर जनरल फ्रम प्रिजन्स) हेमन्त लोहियाको घाँटी रेटेर हत्या भएको छ । सोमबार अबेर राति उनको हत्या भएको हो । हत्यापछि उनको शव उनकै घरमा जलाउने प्रयास भएको थियो । हत्याको १० घण्टापछि मंगलबार बिहान आतंकवादी संगठन द रेजिस्टेन्स फ्रन्ट (टीआरएफ) ले लोहियाको हत्याको जिम्मेदारी लिएको छ ।

टीआरएफले सामाजिक संजालमार्फत यसको जानकारी दिएको हो । टीआरएफ लश्करसँग जोडिएको आतंकवादी संगठन हो । घटनापछि उनका नोकर यासिर फरार रहेका छन् । खोजी जारी रहेको प्रहरीले जनाएको छ । लोहिया जम्मूको बाहिरी इलाका उदयवाडामा रहँदै आएका थिए ।

उनी सन् १९९२ ब्याचका आइपीएस अधिकारी थिए । उनलाई गत अगस्तमा डीजी जेलका रुपमा तैनाथ गरिएको थियो ।