-
-
-
-
काठमाडौं । नेकपा (माओवादी केन्द्र)का अध्यक्ष एवं पूर्व प्रधानमन्त्री पुष्पकमल दाहाल प्रचण्डले आफूले जितेको चितवन क्षेत्र नं ३ छाडेका छन् ।
माओवादी केन्द्रले चितवन क्षेत्र नं ३ मा डा भोजराज अधिकारीलाई उम्मेदवार बनाउने भएको छ । सो निर्वाचन क्षेत्र सत्ता गठबन्धनका तर्फबाट माओवादी केन्द्रको भागमा परेको छ ।
विसं २०७४ को चुनावमा प्रचण्डले सोही क्षेत्रबाट निर्वाचन जितेका थिए ।
डा अधिकारी सङ्घीय अस्पताल भरतपुर अस्पतालको अध्यक्ष हुन् । उनले आजै राजीनामा दिएर उम्मेदवारी दिने जानकारी दिए । उनी माओवादीको स्वास्थ्य जनसङ्ख्या विभागको केन्द्रीय सचिव हुन् ।
