रहेनन् मुलायम सिंह यादव, उत्तर प्रदेशमा तीन दिन राजकीय शोक
हाम्रा कुरा
प्रकाशित २०७९ असोज २४ सोमबार
2.2k
Shares
तस्बिर– भारतीय प्रधानमन्त्री मोदी र तीन पटकका मुख्यमन्त्री यादव, फाइल ।
काठमाडौं । भारतीय नेता मुलायम सिंह यादवको निधन भएको छ । समाजवादी पार्टीका संस्थापक तथा उत्तर प्रदेशका पूर्वमुख्यमन्त्री यादवको गुरुग्रामस्थित मेदान्ता अस्पतालमा आज निधन भएको हो ।
पिसाबमा संक्रमण भएपछि उनको गत २६ सेप्टेम्बरदेखि मेदान्तामा उपचाररत थिए । मुलायमलाई २ अक्टुबरदेखि आईसीयूमा राखेर उपचार गरिएको थियो । त्यसपछि अन्तिम समयमा भेन्टिलेटरमा राखिएको थियो ।
समाजवादी पार्टीका अखिलेश यादवले यादवको निधनको पुष्टि गरेका हुन् । उनका अनुसार मंगलबार अनितम संस्कार हुनेछ । मुलायमको निधनमा उत्तर प्रदेशमा तीन दिन राजकीय शोक हुनेछ ।
प्रधानमन्त्री नरेन्द्र मोदीले मुलायम सिंहलाई श्रद्धाञ्जली दिएका छन् । उनले मुलायम सिंह जमीनसँग जोडिएका नेता भएको प्रतिक्रिया दिएका छन् ।
मुलायम सिंहको प्रतिभा पहिलो पटक प्रजा समाजवादी पार्टीका नेता नाथु सिंहले पहिचान गरेका थिए । जसले २८ वर्षे उनलाई १९६७ को चुनावमा जसवंतनगर विधानसभा सिटको लागि टिकट दिए । उनी राज्यको इतिहासमा सबैभन्दा कान्छो विधायक बनेका थिए ।
उनी तीन पटक मुख्यमन्त्री र सातपटक सांसद बनेका थिए । उनले ५५ वर्षसम्म राजनीति गरे ।
