-
-
-
-
काठमाडौं । बलिउड अभिनेता ऋतिक रोशन आफूभन्दा १२ वर्ष कान्छी सबा आजादसँग डेट गरिरहेका छन् । उनीहरूको सम्बन्ध केही महिना अघि सुरु भएको थियो । रेस्टुरेन्टमा दुवैजना डिनर गर्न पुगेपछि पहिलो पटक सम्बन्धको बारे खुलासा भएको थियो ।
त्यसपछि उनीहरूको डेटिङको चर्चा सुरु भयो । त्यसपछि उनीहरू आफैँले यस सम्बन्ध स्विकारे जब उनीहरू एयरपोर्टमा एक अर्काको हात समातेर हिँडे । सबा ऋतिकको पारिवारिक समारोहमा पनि पुगेका थिए । पछिल्लो समय यी दुवै ठूला कार्यक्रममा सँगै देखिने गरेका छन् ।
हाल ऋतिकले सामाजिक सञ्जालमा सबासँगको पहिलो तस्बिर पनि सेयर गरेका छन्, जुन इन्टरनेटमा आगो जस्तै फैलिएको छ । ऋतिकको पोष्टमा प्रयोगकर्ताले निकै कमेन्ट गरिरहेका छन् ।
सो तस्बिर दुबै लण्डनमा छुट्टी मनाउन गएको समयको हो । ऋतिक रोशन सबा आजादको फोटो खिचिरहेका छन् र सबा बेन्चमा बच्चा जस्तै बसिरहेकी छिन्। ऋतिकको पोस्टमा सबा आजादले पनि कमेन्ट गरेकी छिन् ।
