चिनियाँ कम्युनिस्ट पार्टीको २० औं महाधिवेशन शुरु, सीले गरे शून्य कोभिड नीतिको बचाउ
हाम्रा कुरा
प्रकाशित २०७९ असोज ३० आइतबार
615
Shares
काठमाडौं । बेइजिङमा चिनियाँ कम्युनिस्ट पार्टीको ऐतिहासिक महाधिवेसन शुरु भएको छ । महाधिवेशनमा सीले सत्तामा आफ्नो पकड बलियो बनाउने ठानिएको छ ।
महाधिवेशन दशकौं लामो परम्परालाई तोड्दै प्रतिनिधिहरूले सीलाई पार्टी प्रमुखको रूपमा तेस्रो कार्यकाल हस्तान्तरण गर्ने सम्भावना छ।
सीले महाधिवेसनमा स्वागत सम्बोधन गर्दै बैठक सुरु गर्नेक्रममा विवादित शुन्य कोभिड नीतिको बचाउ गरेका छन् ।
यो 'भाइरसको फैलावट रोक्नको लागि सबैको जनयुद्ध होू, उनले भनेका छन् । चीनले 'सम्भवत: धेरै हदसम्म जनताको स्वास्थ्य र सुरक्षाको रक्षा गरेको छ,' उनले अघि भनेका छन् ।
यो नीतिले ज्यान जोगाएको छ । तर, अर्थतन्त्रमा धक्का लागेको छ भने, मानिसहरु प्रतिबन्ध र लकडाउनले वाक्क भइसकेका छन् ।
भाषणका क्रममा सीले ताइवानको मुद्दालाई पनि सम्बोधन गरेका छन् । चीनले 'चीनको सार्वभौमसत्ताको रक्षा गर्न र ताइवानको 'स्वतन्त्रता'को विरोध गर्ने संकल्प र क्षमता प्रदर्शन गरेको छ,' उनले भनेका छन् ।
चिनियाँ कम्युनिष्ट पार्टी (सीसीपी)को नेताको रूपमा तेस्रो कार्यकालले उनलाई माओत्से तुङपछिको सबैभन्दा शक्तिशाली नेता बन्ने बाटो खुला गर्नेछ।
पार्टीका नेताहरू चयन गर्न र प्रमुख नीतिहरूमाथि छलफल गर्न करिब २ हजार ३ सय प्रतिनिधि भेला भएका छन् ।
राज्यमा उत्साहको बीचमा बेइजिङमा कडा सुरक्षा उपाय र यात्रा प्रतिबन्ध जारी रहेको छ।
