-
-
-
-
काठमाडौं । बाहुबली स्टार प्रभासले आज आफ्नो ४३ औं जन्मदिन मनाइरहेका छन् । जन्मदिनको अवसरमा उनका सह-कलाकार, साथीभाइ र परिवारले शुभकामना दिइरहेका छन् ।
यति बेला प्रभास आफ्नो आगामी फिल्म ‘आदिपुरुष’लाई लिएर पनि चर्चामा छन् । यो विशेष अवसरमा आदिपुरुषका निर्माताले फिल्म नयाँ पोष्टर शेयर गरेका छन् । यस पोष्टरमा भगवान् रामको रूपमा उनको आकर्षक तस्बिर देख्न सकिन्छ । फिल्ममा प्रभास भगवान् रामको आदर्श अवतारमा देखिएका छन् ।
फिल्मका निर्देशक ओम राउतले प्रभास अहिलेको समयका निकै मेहनती कलाकारमध्ये एक भएको बताएका छन् ।‘आदिपुरुष’को ट्रेलर केही दिन अगाडि रिलिज भएको थियो । यस फिल्मको ट्रेलरमा रावणको भूमिका निभाएका सैफ अली खानको लुकलाई अभद्र भनिएको छ । यति मात्र होइन, ‘आदिपुरुष’का निर्माता ओम राउत, प्रभास, सैफ अली खानलगायत पाँच जनाविरुद्ध उजुरी परेको छ ।
