-
-
-
-
काठमाडौं । पछिल्लो एक हप्तादेखि बलिउड सेलिब्रेटीहरू दीपावली पार्टीहरूमा देखिएका छन्। दीपावलीको विशेष अवसरमा सोनम कपुरले आफ्नो घरमा पार्टी राखेकी थिइन् । सोनमको पार्टीमा मलाइका अरोरा र अर्जुन कपूर पुगेका थिए । मलाइका–अर्जुनलाई पारम्परिक लुकमा देखेर फ्यानहरूको नजर उनीहरूमाथि नै अड्किएको थियो ।
सोनम कपूरको दीपावली पार्टीमा धेरै बलिउड स्टारहरूले आफ्नो उपस्थितिको साथ साँझलाई सुन्दर बनाए। मलाइका अरोरा र अर्जुन कपूर पनि ती मध्ये एक हुन्। मलाइकाले दीपावली पार्टीमा स्टाइलिस पहिरन लगाएकी थिइन् । अर्जुन र मलाइकालाई पारम्परिक लुक्समा सँगै देख्दा फ्यानहरूको दिन बन्यो ।
एकातिर मलाइका दीपावली पार्टीमा हरियो रङ्गको पोशाकमा देखिएकी थिइन् । त्यस्तै, अर्जुन कपुरले कालो रङ्गको कुर्ता–पाइजामा लगाएका थिए । अर्जुन र मलाइकाले हातमा हात राखेर पोज दिए ।मलाइका–अर्जुनको तारिफमा मानिसहरूले विभिन्न खालका कमेन्ट गरिरहेका छन् ।
