अक्षयले राम सेतुमा लिए ५० करोड, कसले लिए कति शुल्क ?

हाम्रा कुरा

प्रकाशित २०७९ कार्तिक ११ शुक्रबार

काठमाडौं । दीपावलीमा रिलिज भएको अक्षय कुमारको फिल्म राम सेतुले बक्स अफिसमा राम्रो कमाइ गरिरहेको छ । फिल्मले दुई दिनमा २६.६५ करोड कलेक्सन गरेको छ ।

राम सेतुले पहिलो दिन १५.२५ करोडको व्यापार गरेको थियो । दोस्रो दिन पनि अक्षयको फिल्म बलियो रह्यो । रामसेतुले पाएको प्रतिक्रिया हेर्दा चलचित्र चल्ने देखिन्छ । राम सेतुले बक्स अफिसमा अजय देवगतको थ्याङ्क गडभन्दा अगाडि रहेको छ ।

अक्षय कुमार, नुसरत भरुचा, सत्यदेव कंचराना र ज्याकलिन फर्नान्डिजको यो फिल्मलाई मानिसहरूले मन पराएका छन् । साहसिक नाटकले मानिसहरूलाई रोमाञ्चित गर्न सफल भएको छ। चलचित्रको कथा पुरातत्वविद्ले रामसेतु बचाउने अभियानमा आधारित छ ।

मिडिया रिपोर्टका अनुसार रामसेतु ८५ करोडको बजेटमा निर्माण गरिएको हो । फिल्ममा अक्षय कुमारले डा आर्यन कुलश्रेष्ठको भूमिका निर्वाह गरेका छन् । उनी पुरातत्त्वविद् बनेका छन् । मिडिया रिपोर्टका अनुसार राम सेतुका सबैभन्दा धेरै पारिश्रमिक लिने अभिनेता उनै हुन् । उनलाई ५० करोड पारिश्रमिक दिएको बताइएको छ ।

फिल्ममा नुसरत भरुचाले अक्षय कुमारकी पत्नीको भूमिका निभाएकी छिन् । उनी प्रोफेसर गायत्री कुलश्रेष्ठको भूमिकामा छन् । यो भूमिकाका लागि अभिनेत्रीले ३ करोड पारिश्रमिक लिएको चर्चा छ । चलचित्रमा श्रीलंकन सुन्दरी ज्याकलिनले डाक्टर सान्ड्रा रेबेलोको भूमिका निभाएकी छिन् । फिल्मको हिस्सा बन्न ज्याकलिनलाई ४ करोड पारिश्रमिक दिइएको बताइएको छ ।

अभिनेत्री जेनिफर पिक्सिनाटोले राम सेतुका लागि ७५ लाख पारिश्रमिक लिएको बताइएको छ । राम सेतुमा साउथ स्टार सत्यदेव कञ्चना महत्त्वपूर्ण भूमिकामा देखिएका छन् । उनको कामलाई पनि रुचाइएको थियो । अभिनयको मामिलामा उनी अक्षयभन्दा कम देखिएका छैनन् । सत्यदेव कञ्चरानालाई १ करोड पारिश्रमिक दिइएको चर्चा छ ।