-
-
-
-
काठमाडौं । बलिउड अभिनेत्री ज्याकलिन फर्नान्डेजले दुई सय करोड भारतीय रुपैयाँ बराबरको सम्पत्ति शुद्धीकरण मुद्दामा जमानत पाएकी छन् ।
पटियाला हाउस अदालतले अभिनेत्री ज्याकलिनलाई जमानत दिएको हो। अदालतले २ लाख भारुको व्यक्तिगत धरौटी र सोही रकम बराबरको सुरक्षा धरौटीमा जमानत दिन आदेश दिएको हो । यो आदेश सँगै अब उनी विदेश जान पाउने भएकी छन् ।
अभिनेत्री सुकेश चन्द्रशेखरसँग सम्बन्धित मुद्दामा फसेकी हुन् । सुकेश चन्द्रशेखरसँग उनको सम्बन्ध देखिएसँगै सम्पत्ति शुद्धीकरण विभागले अनुसन्धान थालेको थियो । अभिनेत्रीले २०० करोड ठगी गरेको मुद्दा लागेका सुकेश चन्द्रशेखरबाट महँगो उपहार लिएको अभियोगमा उनी तानिएकी थिइन् ।
