अजय देवगनको 'दृश्यम २' हलमा, ब्लकबस्टर हुने समीक्षा

हाम्रा कुरा

प्रकाशित २०७९ मंसिर २ शुक्रबार

काठमाडौं । बलिउड अभिनेता अजय देवगनको बहुप्रतिक्षित चलचित्र ‘दृश्यम २’ आजबाट हलमा रिलिज भएको छ । फिल्ममा अजय देवगन, तब्बु, श्रिया शरण र अक्षय खन्नाको महत्त्वपूर्ण भूमिका रहेको छ । ‘दृश्यम २’ लाई लिएर दर्शकमा अत्यधिक क्रेज देखिएको छ ।

फिल्मको पहिलो रिभ्यु पनि सार्वजनिक भएको छ । ओभरसिज सेन्सर बोर्डका सदस्य उमैर सन्धुले दृश्यम २ को पहिलो समीक्षा सार्वजनिक गरेका छन् । उमैर सन्धुले हालै ‘दृश्यम २’ सेन्सर रुममा हेरेका थिए ।

अजय देवगन स्टारर 'दृश्यम २' मोहनलालको ब्लकबस्टर मलयालम फिल्म 'दृश्यम २' को हिन्दी रिमेक हो । मोहनलालको 'दृश्यम' तेलुगु, तमिल र हिन्दी जस्ता धेरै भाषाहरूमा रिमेक गरिएको थियो ।

योसँगै फिल्मको दोस्रो भाग मलयालम भाषामा पनि रिलिज भएको थियो, त्यसपछि यसलाई तेलुगु र अहिले हिन्दीमा रिक्रिएट गरिएको छ ।

उनले ट्विट गर्दै फिल्मको तारिफ गरेका छन् । उनले आफ्नो ट्वीटमा लेखेका छन्, ‘पहिलो समीक्षा। 'दृश्यम २' एक स्मार्ट र प्रभावशाली सस्पेन्स ड्रामा फिल्म हो। अचम्मको क्लाइम्याक्स र उत्कृष्ट अभिनय फिल्मको युएसपी हो ।'